МБУ «Дом народного творчества "Сайдам" муниципального образования "Жулейский наслег" Таттинского улуса Республики Саха (Якутия)»
kzdsajdam@mail.ru
The Garden contains 50 different gardens and plant collections. There is a serene cascade waterfall, as well as wetlands and a 50-acre (20 ha) tract of original, never-logged, old-growth New York forest.
Сомоҕолоһуу күнэ
Сэтинньи 9 күнүгэр Туора Күөллээҕи "Сайдам" сынньалан киинигэр норуот сомоҕолоһууларын күнүгэр аналлаах үнкүү - ырыа, оонньуулар буолан аастылар норуот үнкүү ансаамбыла "Күндүүнэ" уонна эр дьон ансаамбыла "Дохсун" Эҕэрдэлээтилэр. Олохтоох библиотека үлэһитэ Кузьмина Саргылаана Афанасьевна викторина,
көрдөөх - нардаах оонньуулары ыытан дьону үөртэ. бүтэһиккэ сомоҕолоһууга анааммыт оһуохайынан тэрээһиммитин түмүктээтибит.
Нэһилиэк олохтоохторугар, түмсүүлэрбитигэр махтал!
"Мин оло5ум бэйэм илиибэр"
Бугун, сэтинньи 8 күнүгэр "Мин оло5ум бэйэм илиибэр" диэн социальнай десант үлэтин биһиги нэһилиэккэ кэлэн ыытта.
Бэрээдэк боппуруоьа барыбытын долгутар, кэнники сылга статистика көрдөрөрүнэн буруйу оноруу оҕолорго элбээтэ, тастан киирэр куьаҕан сабыдыал дьайыыта улаатта диэн маны сэрэтэр үлэҕэ улуус, нэһилиэк баһылыктарыттан са5алаан общественноһы, нэьилиэк активын, тэрилтэ салайааччыларын, тереппуттэр үлэлэрэ холбосто5уна, сэрэтии үлэлэр ыытылыннахтарына улэ кедьуустээх буоларын ейдеен тэрээьингэ 52 улахан кылаас үөрэнээччилэрэ, 54 тереппут, 22 учуутал, нэьилиэк общественнай сэбиэтитьэн-6 киһи кыттыыны ыллылар.
Социальнай, психологическай, правовой, юридическай өттүнэн барыбытыгар да олус наадалаах тэрээһини иилээн-са5алаан ыытта Таатта улууьун социальнай киинин начальнигын солбуйааччыта Дедюкина Елена Николаевна.
Үлэлиир бөлөххө кыттыыны ыллылар
Тарасов Михаил Петрович -улуус социальнай көмүскэллээх буолуу киинин салайааччыта;
Протопопова Октябрина Серафимовна, киин педагог-психолога;
Луковцева Мира Николаевна-үөрэх управлениетыттан;
Аманатова Аина Петровна -УФСИН инспектора;
-Владимирова Анжелика Александровна-ИДьО стажера;
Тэрээһин бэрт сэргэхтик уонна сонуннук ыытылынна. Ол курдук бөлөх салайааччыта бастыҥ дьиэ кэргэттэргэ махтал суруктары туттарда уонна өйдөтөр, сүбэлиир, иһитиннэрэр үлэтин ситуациялартан театрализованнай хайысханы тутуһуннаран улэлэттэ, ол кэннэ ону анализтаан, олус наадалаах иһитиннэриилэри оҥордулар.
Россия геройун , Родимир Максимовы , төрөөбүт түөлбэтин аартыгыттан чиэстээн көрсүүттэн саҕалаан үрдүк таһымҥа ааста, Дьон бөҕө кэлэн бары өрө көтөҕүллэн , үөрэн , киэн тутта Уруйдаан көрүстүлэр Санааларын , баҕаларын эттилэр.
Аҕам саастаахтар күннэригэр ыытыллар тэрээһиннэр
Бүгүн, алтынньы 9 күнүгэр, Аҕам саастаахтар күннэригэр анаан ыытыллыбыт тэрээһиҥҥэ, "Сайдам" сынньалаҥ киинигэр нэһилиэкпит ытык дьоно үөрэ-көтө мустан, итии үүттээх чэйдээх, бырааһынньыктыы тардыллыбыт сандалы тула көрүстүлэр.
🏆🥇Нэһилиэк баһылыгын солбуйааччы Ефимова Л.В. уонна ветераннар түмсүүлэрин салайааччыта Потапова В.Н. мустубут дьону истиҥник эҕэрдэлээн тураннар наҕараадалары туттартаатылар.
🏃🏻‍♀️🏃🏼Олохтоох библиотека үлэһитэ Кузьмина С.А. викторина уонна көрдөөх-нардаах күрэхтэһиилэри ыытта.
🎊Нэһилиэкпит аҕам саастаахтара дуоһуйа сынньанан, үөлээннээхтэрин көрсөн сэһэргэһэн, сэргэхсийэн тарҕастылар.
"Ырыа дьикти дьүрүһүнэ" Ырыа күнүгэр аналлаах тэрээһин.
Ыам ыйын 21 күнүгэр Дьүлэй нэһилиэгин "Сайдам" норуот айымньытын дьиэтигэр "Ырыа дьикти дьүрүһүнэ" Ырыа күнүгэр аналлаах аралдьыйыы тэрээһиннээхтик буолан ааста. Барыта 5 хамаанда оонньууга кытынна.

"Күндүүнэ" үҥкүү ансаамбыла

"Нуоралдьыйа" ырыа ансаамбыла

"Туналы" ырыа ансаамбыла

Детсад коллектива

"Дохсун" ырыа ансаамбыла

Күрэх түмүгүнэн маннык миэстэлэр таҕыстылар.

1 миэстэ – "Туналы" ырыа ансаамбыла

2 миэстэ – "Нуоралдьыйа" ырыа ансаамбыла

3 миэстэ – "Дохсун" ырыа ансаамбыла

Дьүүллүүр сүбэнэн улэлээтилэр Наталья Романовна Захарова, Саргылаана Афанасьевна Кузьмина, Геннадий Кононович Васильев.

Кыайыылаахтар грамотанан уонна бирииһинэн наҕараадаланнылар. Бука бары кыттааччыларга куруук бу курдук көхтөөхтүк кыттаргытыгар баҕарабыт!

Ытык кырдьаҕастарбытын, анал байыаннай дьайыыга кыттыыны ыла сылдьар ыччаттарбыт төрөппүттэрин, күрэхпит кыттааччыларын, ыалдьыттарбытын Дьүлэй нэһилиэгин эр дьоно куһунан күндүлээтилэр.

1. Жирков Семен Афанасьевич

2. Захаров Тит Титович

3. Хаптагаев Семен Ильич

4. Чупров Петр Романович

5. Гуляев Дмитрий Николаевич

6. Гуляев Иван Иванович

7. Шестаков Аввакум Владимирович

8. Васильев Иван Константинович

9. Ковлеков Виктор Русланович

10. Кузьмин Илья Ильич

11. Евграфов Гаврил Гаврильевич

12. Ермолаев Яков Прокопьевич

13. Саввин Иннокентий Николаевич

14. Васильев Василий Илларионович

15. Луковцев Александр Петрович

16. Осипов Иннокентий Иннокентьевич

17. Аянитов Юрий Николаевич

18. Кузьмин Илья Николаевич

19. Аянитов Игорь

20. Егоров Семен Петрович

21. Постников Александр Алексеевич

22. Васильев Геннадий Кононович

23. Эляков Прокопий Петрович

24. Федоров Юлиан

25. Егоров Альберт

26. Гуляев Данил Дмитриевич

27. Гуляев Дмитрий Дмитриевич

28. Чупров Айлан

29. Чупров Арсен

30. Евграфов Гаврил Григорьевич

31. Захаров Василий Васильевич

32. Никитин Федор Нилович

33. Никитин Айаал

34. Пономарев Григорий Григорьевич

35. Данилов Василий Николаевич

36. Максимов Максимилиан

37. Кириллин Игорь Валентинович

38. Бучугасов Василий Васильевич

Бултуур-алтыыр, айылҕаны кытта алтыһар саха саарыннарбытыгар Байанай үтүө хараҕынан көрдүн, эгэлгэ баайыттан өттүк харалаатын, илии тутуурдаатын! Барҕа махтал буоллун!

Кэлбит ылдьыттарбытыгар Таатталыы оһуохай хааммыытын үөрэттибит. Биир сомоҕо буолан оһуохайынан түмүктээтибит.

Дьүлэй нэһилиэгэ Улуу Кыайыы күнүн уруйдаата
Улуу Кыайыы күнэ – элбэх омуктаах норуот сүдү күүһүн уонна модун санаатын кэрэһитэ буолар. Кыайыы 79 сылын көрсөр тэрээһин Дьүлэй нэһилиэгэр сарсыарда 11 чаастан үөрүүлээх чааһа саҕаланна. Ол курдук бырааһынньыктыы киэргэммит Кыайыы скверыгар олохтоох дьаһалта баһылыга Олег Дмитриевич Осипов мустубут дьону эҕэрдэлээтэ. Ырыалар дьиэрэйдилэр, хоһооннор ааҕылыннылар, Кыайыы вальса үҥкүүлэннэ. Арассыыйа олохтоохторун сомоҕолуур ытык бырааһынньыкка аан дойдуга эйэни уонна көҥүл олоҕу түстээбит аҕа көлүөнэ дьон үтүө ааттарыгар, холооно суох хорсун быһыыларыгар сүгүрүйэн туран нэһилиэкпит эдэр ыччата венок уурдулар.Тоҥор, аччыктыыр диэни аахсыбакка, күлүм да гынар түгэҥҥэ саарбахтыыр санааҕа ылларбакка, сырдык олоххо эрэли сүрэхтэригэр бигээн аҕалбыт чугас дьоммутун ахтан-санаан аастыбыт. Анал байыаннай дьайыыга сылдьар уолаттарга алгыс тылларын этэн туран флешмобунан түмүктэннэ.
Ол кэннэ, "Сайдам" норуот айымньытын дьиэтигэр аҕам саастаах ытык-мааны дьоммут итии чэйдээх төгүрүк остуолга ирэ-хоро сэһэргэһэ, оонньоон-көрүлээн Улуу Кыайыы бырааһынньыгын бэлиэтээтилэр.
Дьүлэй нэһилиэгин ытыктанар ыалын Татьяна Кононовна уонна Елисей Илларионович Васильевтар сарын сарыннарыттан өйөнсөн ыал буолан олорбуттара 50-н сыллара туолан, улуус «Кыһыл көмүс» кинигэтигэр киирэр үөрүүлээх кэрэ-бэлиэ түгэннэринэн итии-истиҥ эҕэрдэ ананна.
Ытык мааны кырдьаҕастарбытыгар өссө төгүл Улуу Кыайыы бырааһынньыгынан итиитик-истиҥник эҕэрдэлиибит. Баҕарабыт эйэлээх халлааны, чэгиэн доруобуйаны.
Ыам ыйын 9 күнэ, Кыайыы күнэ!
Ахсынньы ый 18 күнүгэр П. А. Ойуунускай аатынан Тааттатаагы картиннай галереяҕа норуот маастара, Таатта улууһун, Дьүлэй нэһилиэгин бочуоттаах олохтооҕо Петрова Мария Власьевна - Бөтүрүөп Маайа 100 сылыгар анаан кыыһа, Таатта улууһун маастара, Саха Өрөспүүбүлүкэтин норуот уус-уран оҥоһугун маастара, «Таатта улууһун сайдыытыгар кылаатын иһин» бэлиэ хаһаайката Валерия Николаевна Потапова «Өбүгэ ииһин умсулҕана» бэйэтин үлэлэрин быыстапкатын аһыллыыта үрдүк таһымнаахтык ааста.
Быыстапканы ахсынньы ый 22 күнүгэр диэри П. А. Ойуунускай аатынан Тааттатаагы картиннай галереяҕа кэлэн көрүөххүтүн сөп.
Балаҕан ыйын 7-8 күннэригэр ыытыллыбыт П.А.Ойуунускай төрөөбүтэ 130 сылыгар анаммыт
өрөспүүбүлүкэтээҕи этнографическай "ИИС, УУС, АС" фестивальга Туора-Күөллээҕи норуот айымньытын дьиэтин үлэһиттэрэ "ӨБҮГЭМ МЫНДЫРА ИМИГЭС ТАЛАХХА" күрэһи тэрийсэн кэлбиттэрэ.

Күрэс түмүгүнэн:
1 миэстэ – Прокопьев А.Г. уолунаан Никиталыын, Таатта, Чымынаайы
2 миэстэ – Васильев Н.С. сиэнинээн Алексеев Тимурдуун, Таатта, Чычымах
3 миэстэ - Богдокумов И.В., Тимофеев Оскар, Таатта, Чөркөөх
буоллулар.

Экспертэр: Харайданов А.Д. - үрдүкү категориялаах учуутал, СӨ норуотун уус-уран оҥоһуктарын маастара; Малышев И.И. - Былатыан Ойуунускай аатынан Тааттатааҕы норуот тыйаатырын худуоһунньуга, СӨ култууратын туйгуна.


ОЛОҤХО ДЕКАДАТА
Улуу олоҥхоһут Иван Николаевич Винокуров – Табаахырап аатынан «Табаахырап ааҕыылара» оҕолор ортолоругар олоҥхону толорууга улуустааҕы онлайн күөн-күрэс түмүгэ:
Олоҥхону биирдиилээн толорууга:
1 миэстэ - Румянцева Валерия. "Эрчимэн Бэргэн" олоҥхоттон быһа тардыы. Сал. В.Е. Богатырева (Ытык-Күөл).
2 миэстэ - Мичил Луковцев. П.Решетников "Ала Чуоҕур аттаах Арап Мохсоҕоллой" олоҥхотуттан быһа тардыы. Сал. Е.С. Пудова (Кыйы).
3 миэстэ - Эльдар Васильев. "Эриэн Тигээйи Бухатыыр уонна Чуораанчык Куо" олоҥхоттон быһа тардыы. Сал. А.Н. Захарова (Туора-Күөл).
Олоҥхону бөлөҕүнэн толорууга:
1 миэстэ - Тыараһа орто оскуолатын 4 кылааһын үөрэнээччилэрэ. Собакин И.С. - Сэмэтээй "Оҕо Ньургун бухатыыр" олоҥхото. Сал. С.И. Турнина.
2 миэстэ - Тыараһа орто оскуолатын 2 кылааһын үөрэнээччилэрэ. Собакин И.С. - Сэмэтээй "Оҕо Ньургун бухатыыр" олоҥхото. Сал. Г.Ф. Халыева.3 миэстэ - Боробул орто оскуолатын алын кылааһын үөрэнээччилэрэ. "Эрчимэн Бэргэн" олоҥхо. Сал. Л.А. Попова.
3 миэстэ - Баайаҕа орто оскуолатын алын кылааһын үөрэнээччилэрэ. "Модун Эр Соҕотох" олоҥхо. Сал. Ф.М. Тимофеева.
"Ырыа - олох аргыһа" вокальнай ансаамбыллар улуустааҕы аһаҕас күрэстэригэр барыта 16 ансаамбыл, ол эбэтэр 106 киһи кыттыыны ылла.
1 степеннээх лауреат аатын ылла "Чуораайы", сал. Александра Семеновна Максимова (Болтоҥо).
2 степеннээх лауреат - "Кэрэли", сал. Марина Федотовна Неустроева (Уус-Таатта).
3 степеннээх лауреат - "Нуоралдьыйа", сал. Надежда Петровна Аянитова (Туора-Күөл).
Гран-при үрдүк аатын ылла "Айынат" сал. Федора Петровна Собакина (Кыйы).
Дьүүллүүр сүбэ:
1. Васильев Геннадий Кононович - учитель музыки, руководитель вокального ансамбля "Дохсун", председатель.
2. Никифорова Зинаида Семеновна - руководитель вокальных ансамблей Таттинского улуса.
3. Попова Дария Александровна - директор МБО ДО "Таттинская ДШИ им. Ф.С. Аргунова".
Кыайылаахтар электроннай грамотанан уонна харчынан на5араадаланаллар.
Кыттааччыларбытыгар барҕа махталбытын тиэрдэбит.
Тус олоххутугар дьолу соргуну, кытаанах доруобуйаны баҔарабыт!
Маннык өрүү да көхтөөх буолуҥ!
Муус устар 9 күнүгэр Сунтаар улууһун Сунтаарыгар "ТОҔУС ОҺУОРДААХ ТҮҺҮЛГЭ" өрөспүүбүлүкэтээҕи норуот уус-уран айымньытын күрэһэ саҕаланна. Түһүлгэҕэ барыта13 улуустан 600 кыттааччы тоҕуоруһа муһунна.Таатта улууһуттан "Тойон ымыйа тула мустан" тойук, "Оһуокай-саха алгыстаах үҥкүүтэ" оһуохай күрэстэригэр Иван Иванов, "Сахалыы таҥныах-кэрэтик симэниэх" саха таҥаһын күрэһигэр СӨ уус-уран оҥоһуктарын маастара Изабелла Элякова кыттыыны ылаллар. Ону сэргэ И.Элякова "Ааллаах үүн таһаҕасчыттарын таҥаһа" быыстапканы туруорда. Дьоммутугар ситиһиини баҕарабыт.

Улуустааҕы норуот айымньытын дьиэтин пресс киинэ


»
»
"Ырыа - олох аргыһа" вокальнай ансаамбыллар улуустааҕы аһаҕас күрэстэригэр барыта 16 ансаамбыл, ол эбэтэр 106 киһи кыттыыны ылла.
1 степеннээх лауреат аатын ылла "Чуораайы" (Болтоҥо).
2 степеннээх лауреат - "Кэрэли" (Усть-Таатта).
3 степеннээх лауреат - "Нуоралдьыйа" (Туора-Күөл)
Гран-при үрдүк аатын ылла "Айынат" (Кыйы).
Бэҕэһээ Ытык-Күөлгэ "Эр хоһуун" диэн эр дьон ансаамбылларын күрэһэ буолан ааста. Биһиги нэһилиэкпититтэн "Дохсун" эр дьон ансаамбыла (салайааччы Геннадий Васильев) кыттан "Көрөөччү биһирэбилин" уонна 1 степеннээх лауреат үрдүк аатын ылла. Гран-при хаһаайынынан театр иһинэн тэриллибит "Өрөгөй" ансаамбыл буолла. Маны тэҥэ бу күрэс оҕолорго эмиэ ыытыллынна. Онно биһиги оскуолабыт "Андайым" ансаамбыла (сал. Геннадий Васильев) кыайыыны ситистэ. Онон нэһилиэкпит уолаттарыгар, аҕаларыгар, салайааччыга итии-истиҥ эҕэрдэ! Баҕарабыт өссө үрдүк ситиһиилэри
Авиация уонна космонавтика аан дойдутааҕы күнүнэн!
В ДНТ "Сайдам"
10 апреля 2021г.
состоялась театрализованная сказка с роботизированным динозавром "Приключения дружелюбного динозаврика Лимбо".

Муус устар 9 күнүгэр Мэҥэ-Хаҥаласка "А5а уолунаан" республиканскай күрэх буолан ааста. Барыта 22 улуус хамаандата күрэхтэстэ. Элбэх хамаанданы, араас улуустар кыттааччыларын кэннилэригэр хаалларан, дэгиттэр талааннаахтарын, кыахтаахтарын, сатабыллаахтарын ереспуубулукэ5э ессе төгүл бигэргэтэн иккис миэстэҕэ Петр Романович Чупров уолунаан Арсенныын таҕыстылар. Актыыбынай, көхтөөх бастыҥ дьиэ кэргэҥҥэ э5эрдэ эгэлгэтэ, ба5а санаа бастыҥа буоллун
Травматолог, ортопед быраас, парапсихолог, Тибеткэ 9 сыл олорон үөрэммит Полина Ивановна Иванова муус устар 9 күнүгэр "Сайдам" норуот айымньытын дьиэтигэр Доруобуйа декадатын чэрчитинэн лекция оҥордо. Олус интэриэһинэй кэпсэтии буолла. Кэлбит дьон бары билбэтэхпитин билэн, истибэтэхпитин истэн, билиибитин хаҥатан, өйдүүн-санаалыын сырдаан, тыл, санаа, күүһүн сөҕөн, үөрэн-көтөн, астынан, махтанан, инникигэ эрэллээх тарҕастыбыт. Биир чаас буолуохтаах тэрээһиммит икки чаастан ордук буолла. Өссө да киһи кэпсэтэ олоруох курдук олус интэриэһинэй, сэргэх көрсүһүү буолан ааста. Манна даҕатан эттэххэ, олохтоохтор Григорьев Иван Иванович диэн учуутал Туора-Күөлгэ үлэлии сылдьыбыт ын үтүө тылынан ахталларын истээччибит. Полина Ивановна кини бииргэ төрөөбүт балта эбит. Лекция бүтүүтүгэр олохтоох амбулатория уонна нэһилиэкпит администрацията өйдөбүнньүк туттардылар. Сырдыгынан сыдьаайар Полина Ивановнаҕа барҕа махтал! Үлэҕэр үрдүк ситиһиилэри, чэгиэн доруобуйаны, дьолу-соргуну баҕарабыт!
1950 сыллаахха Доруобуйа харыстабылын ассамблеята муус устар 7 күнүн Доруобуйа аан дойдутааҕы күнүнэн биллэрбитэ. Бу күн Дьүлэй нэһилиэгэр Доруобуйа күнэ бэлиэтэннэ. КСК иннигэр скандинавскай хаамыынан дьарыктанааччылар муһуннулар. Нэһилиэк баһылыгын солбуйааччы Л.В. Ефимова бар дьонун эҕэрдэлээн тыл эттэ уонна пандемия кэмигэр доруобуйаларын толук ууран дьаныардаахтык үлэлии сылдьар олохтоох амбулатория коллективыгар администрация уонна "Сайдам" норуот айымньытын дьиэтин аатыттан махтал туран бэлэх туттарда. Салгыы амбулатория салайааччыта Н.А. Захарова этиитин дьон-сэргэ сэргээн иһиттэ. Аҕам саастаахтар ааттарыттан бары ытыктыыр киһибит Е.Е. Аянитова доруобуйаҕытын харыстааҥ диэн ыҥырда. Детканан өр сыл дьарыктанар К.К. Максимова бу дьарык киһи этигэр-сиинигэр, өйүгэр-санаатыгар хайдах дьайарын, киһиэхэ энергия биэрэрин сырдатта. Скандинавскай хаамыы түмсүүтүн салайааччыта З.Н. Нехчеонова түмсүү историятын кэпсээтэ уонна скандинавскай хаамыынан дьарыктаныы туһатыгар тохтоото. КСК салайааччыта, нэһилиэккэ спорду көҕүлээччи Н.П. Лыткина КСК билиҥҥи үлэтин, инники былаанын сырдатта, нэһилиэктэр икки ардыларынааҕы спартакиада туһунан иһитиннэрдэ уонна спордунан, физкультуранан дьарыктанарга ыҥырда. Маны таһынан кини мустубут дьоҥҥо анал дьарык оҥоттордо. Бу кэнниттэн скандинавскай хаамыы буолла. Эмиэ бу күн оскуола оҕолорго анаан Доруобуйа күнүн олус интэриэһинэйдик тэрийдэ.
Аҕалар күннэринэн итии-истиҥ эҕэрдэ!
Сааскы чаҕылхай күммүт
Саргылаах санааны салайдын,
Сааскы дьыбардаах салгыммыт
Сэниэни, доруобуйаны аҕаллын!
Дьоллоох буолуҥ бука бары!
Булчут күнүнэн!
Санаабыккыт сатаннын,
Баҕарбыккыт баар буоллун,
Толкуйдаабыккыт табылыннын,
Туппуккут тубустун,
Оҥорбуккут үйэлэннин!
Туора-Күөллээҕи "Сайдам" норуот айымньытын дьиэтин "Кычык-кычык" көр-күлүү мини-театра
Туора-Күөл кулуубун араас кэмҥэ театральнай туруорууларыттан хаартыскалар
Аан дойдутааҕы Театр күнүнэн Таатта, Чөркөөх народнай театрдарын, нэһилиэктэр театральнай түмсүүлэрин, "Куһумууннар" көр-күлүү мини-театрын итиитик-истиҥник эҕэрдэлиибит! Айар үлэҕититтэн дуоһуйууну ылыҥ, бар дьоҥҥутун үөрдэ туруҥ!
Улуустааҕы норуот айымньытын дьиэтин директора Г.Г.Вырдылин 2019-2020 сылларга ыытыллыбыт үлэ түмүгүнэн “Айтал” номинацияҕа бастыҥ тэрилтэлэри наҕараадалаата, экспеттаргэ махтал сурук туттарда.
Сыл бастыҥ тэрилтэлэринэн ааттаннылар:
• “САЙДАМ” НАДЬ, директор Н.П.Аянитова, Туора-Күөл;
• Ф.С.АРГУНОВ аатынан ОҔО ИСКУССТВОТЫН ОСКУОЛАТА, директор Д.А.Попова;
• КИИННЭММИТ БИБЛИОТЕЧНАЙ ТИҺИК ДЬОХСОҔОННООҔУ №1 ФИЛИАЛА, кылаабынай библиотекарь Другина Г.Н.
• “ЯКУТСКАЯ ПОЛИТССЫЛКА” ЧӨРКӨӨХТӨӨҔҮ ИСТОРИКО-МЕМОРИАЛЬНАЙ МУЗЕЙ, сэбиэдиссэй Н.Е.Попов.

Ситимин быспакка өбүгэлэрбит үтүө үгэстэрин, сахабыт тылын сүөгэйин-сүмэтин кэлэр кэскиллээх көлүөнэҕэ тарҕатар, уерэтэр, сайдам саҥаны, сырдык саргыны түстүүр культура үлэһиттэригэр Урааҥхайдыы – Уруй ! Сахалыы Саргы! Айхал-Мичил!

Тэрээһин үөрүүлээх чааһыгар “Таатта улууһа” МО баһылыга Соров М.М. “СӨ култууратын туйгуна” бэлиэни Ф.С.Аргунов аатынан оҕо искусствотын оскуолатын преподавателигэр И.И.Салгыноваҕа, “Култуура уонна спорт сайдыытын киинин” уус-уран салайааччытыгар А.С.Бондареваҕа, “СӨ уус-уран айымньытын сайдыытыгар кылаатын иһин” бэлиэни Улуустааҕы норуот айымньытын дьиэтин операторыгар Н.А.Ануфрьевка туттарда.
“Таатта улууһа” МО баһылыгын солбуйааччыта И.А. Сивцева куонкурстар түмүгүн билиһиннэрдэ.

• “ЛУЧШИЙ СЦЕНАРИЙ” - барыта 47 үлэ киирбититтэн КЫАЙЫЫЛААХ - ДАРИЯ АФАНАСЬЕВНА ВАСИЛЬЕВА, Туора-Күөллээҕи “САЙДАМ” НАДь уус-уран салайааччыта (2 тыһ. сууммалаах “ сертификат);
• АНАЛ ААТ “ЛУЧШЕЕ РАСКРЫТИЕ ТЕМЫ” – СВЕТЛАНА ИННОКЕНТЬЕВНА ОЧИРОВА, МОТРЕНА ГРИГОРЬЕВНА СУНХАЛЫРОВА, “Культура уонна спорт сайдыытын киинэ”, Ытык-Күөл; (500 солк. сууммалаах сертификат);
• АНАЛ ААТ “ЛУЧШЕЕ СОДЕРЖАНИЕ СЦЕНАРИЯ” – Г АЛИНА ИВАНОВНА ПОЛУСКИНА, Тыараһатааҕы Л.Н.Турнин аатынан “Алгыс” НАДь уус-уран салайааччыта; (500 солк. сууммалаах сертификат);

• “ЛУЧШАЯ МЕТОДИЧЕСКАЯ РАЗРАБОТКА” – Барыта 30 үлэ киирбититтэн КЫАЙЫЫЛААХ – АЛЕКСАНДР ИВАНОВИЧ ПАВЛОВ, Ф.С.Аргунов аатынан оҕо искусствотын оскуолатын үөрэх чааһын сэбиэдиссэйэ (2 тыһ. сууммалаах сертификат);

• “ЛУЧШИЙ БИБЛИОТЕЧНЫЙ УРОК” – Барыта 11 үлэттэн КЫАЙЫЫЛААХ - ЖУЛЕВА КРИСТИНА АЛЕКСЕЕВНА - Игидэйдээҕи модельнай библиотека кылаабынай библиотекара (2 тыһ. сууммалаах “ сертификат) (2 тыһ. сууммалаах “ сертификат);

• “ЛУЧШАЯ ЭКСКУРСИЯ” – КЫАЙЫЫЛААХ - ГАЛИНА ИННОКЕНТЬЕВНА НЕУСТРОЕВА, Баайаҕатааҕы оскуола уонна муниципальнай музей үлэһитэ (2 тыһ. сууммалаах сертификат);
Бирииһи улуустааҕы норуот айымньытын дьиэтэ туруорда.
Проектар куонкурстарыгар уопсайа 23 үлэ киирдэ. Түмүккэ:
• 1 МИЭСТЭ - АСТРА РУСЛАНОВНА СКРЫБЫКИНА, “Культура уонна спорт сайдыытын киинин” уус-уран салайааччыта, Ытык-Күөл; (30,0 тыһ. солк.)
• 2 МИЭСТЭ – “ТУЛЛУКЧААН” ОҔО БИБЛИОТЕКАТА (20,0 тыһ. солк.)
• 3 МИЭСТЭ – АНАСТАСИЯ СЕРГЕЕВНА БОППОСОВА, И.И.Слепцов аатынан НАДь директора (10,0 тыһ.солк.). Бириистэри туруорда “Таатта улууһа” МО дьаһалтата.
Сүүс сыллааҕыта –1921 сыллаахха, кулун тутар 25 күнүгэр, Дьокуускайга коммунистическай ыччат түмсүүтүн бастакы губернскай конференцията үлэтин саҕалаабыта. Бу конференцияҕа Саха уобалаһын 625 чилиэннээх 28 комсомольскай ячейкаларыттан 24 делегат кэлэн кыттыыны ылбыта.
Конференция 11 боппуруоһу көрбүтэ, ол иһигэр тэрийэр губбюро үлэтин туһунан отчуоту Рая Цугель оҥорбута.
Делегаттар Саха сирин коммунистическай ыччатын саҥа тэрилтэтин губернскай комитетыгар 8 киһини уонна 3 кандидаты (Р. Цугель, П. Гуляев, С. Находкин, М. Бубякин, С. Калачик, П. Санников, И. Сидоров, Е. Семенов В. Припузов, кандидаттар – С. Потапов, Г. Дьячковскай уонна П. Сыроватскай) киллэрбиттэрэ. Губком салайааччытынан Рая Цугель талыллыбыта.
Онон Саха комсомолун төрүттээбит конференция үлэтин саҕалаабыта 100 сылынан, комсомол ветераннара, доҕоттор!
Сыһыы-сыһыы аайы сыспай сиэллээҕи сырсар сылгыһыттарбытыгар профессиональнай бырааһынньыктарынан итии-истиҥ эҕэрдэ буолуохтун! "Саха сылгылааҕын тухары - саха" диэн мээнэҕэ этиллибэт! Дьоллоох буолуҥ үтүөкэн дьоммут!
Кулун тутар 20 күнүгэр Тыараһа нэһилиэгин "Алгыс" вокальнай ансаамбыла тэриллибитэ 10 сылыгар аналлаах дьоро киэһэҕэ Дьүлэй нэһилиэгин "Дохсун" эр дьон вокальнай ансаамбыла ыҥырыллан ыалдьыттаата. Дохсуннар ыллам ырыаларынан көрөөччүлэр, тэрийээччилэр биһирэбиллэрин, махталларын ыллылар. Кэнэҕэскитин да бу икки ансаамбыл алтыһыылара айар үлэлэригэр туһалаах буолуо диэн эрэнэбит. Бука барыларыгар үрдүктэн үрдүк ситиһиини баҕарабыт! "Алгыс" ансаамбылга үбүлүөйүнэн итии-истиҥ эҕэрдэ буолуохтун!

Кулун тутар 19 күнүгэр Туора-Күөлгэ *АЙАР* национальнай кинигэ кыһатыттан ыалдьыттары "Сайдам" норуот айымньытын дьиэтигэр

көрсүһүү буолла.

Ыалдьыттар киирээттэрин кытта нэһилиэк далбар хотуттара алгыстаах алаадьынан айах туттулар, буруонан арчылаатылар. Николай Алексеев ыллам ырыатын эҕэрдэлии көрүстэ. Баһылык О. Д. Осипов кылгастык нэһилиэгин кытта билиһиннэрдэ.

Кинигэ кыһатыттан сүрүннүүр эрэдээктэрин солбуйааччы *А.И. Филиппова*,

үөрэх киинин сэбиэдиссэйэ *М.Г.Никифорова* , производственнай отдел сэбиэдиссэйэ *Розалия Федотова*,

элбэх кэпсээннэрин аахпыт, бары билэр суруйааччыларбыт

*Г.В. Нельбисова* , **Е.С. Иринцеева-Огдо*

биһиэхэ, ааҕааччыларга анаан үлэлэрин, ситиһиилэрин, инники былааннарын билиһиннэрдилэр.

Маны таһынан нэһилиэкпит бастыҥ ааҕааччыларыгар Р.Р. Чупровка уонна П.С. Атастыровка бэлиэ суругу кытта кинигэ бэлэх ууннулар. Викторинаны сэргээччилэргэ анаан *бириистээх викторина* ыыттылар. Олохтоохтор киэҥ билиилээхтэринэн ыалдьыттарбытын сөхтөрдүлэр. Кэпсэтии кэнниттэн сэҥээрэр боппуруостарын биэрдилэр.

"Айар" кыһа саҥа кинигэлэриттэн удамыр сыанаҕа атыылаатылар уонна хас биирдии атыылаһааччыга бэлэх ууннулар.

Түмүккэ "Айар" кыһа нэһилиэк баһылыгар О.Д.Осиповка, олохтоох библиотекаҕа бэлэх ууннулар. Олохтоох администрация, модельнай библиотека, "Сайдам" норуот айымньытын дьиэтин ааттарыттан Саха сиригэр кинигэ кыһата тэриллибитэ 95 сылынан эҕэрдэ сурук уонна бэлэх туттарда. Салгыы атах тэпсэн олорон чэйдии-чэйдии сэһэргэһии, ирэ-хоро кэпсэтии буолла. Нэһилиэк дьоно күндү ыалдьыттарга махтана хааллылар.

14.03.21
Кулун тутар 13-14 күннэригэр Туора-Күөлгэ СР үөрэҕириитин бочуоттаах үлэһитэ Иван Николаевич Гуляев сырдык кэриэһигэр аналлаах улуустааҕы аһаҕас волейбол күрэхтэһиитэ ыытыллынна. Күрэхтэһии үөрүүлээх аһыллыытыгар "Мөһүүрэ" түмсүү уонна "Күндүүнэ" үҥкүү ансаамбылын кыттыылаахтара арчылааһын сиэрин-туомун ыыттылар
08.03.21
Дьүлэйгэ - Аан дойду дьахталларын күнэ

Аан дойду дьахталларын күнүнэн Дьүлэй нэһилиэгин эр дьонун "Дохсун" ырыа ансаамбыла (салайааччы Геннадий Кононович Васильев) "Күндү бэлэх" диэн бэйэлэрэ туруорбут кэнсиэрдэрин көрдөрдүлэр. Чахчы даҕаны күндү бэлэх буолла. Ансаамбылынан ыллыыры таһынан бары кыттааччылар сольнай ырыалары бэлэх ууннулар. Кэнсиэр иннинэ сюрпризнай номер быһыытынан киирбит индийскэй киинэ тематыгар представление оҥорбуттара көрөөччү сүргэтин кэнсиэр саҕаланыытыттан өрө көтөхтө. Көрөөччүлэр кэнсиэри көрөн хайҕаатылар, астыннылар, дуоһуйа сынньаннылар. "Мөһүүрэ" түмсүү (салайааччы Вера Ивановна Аянитова) аатыттан ветераннар советтарын председателэ Елена Егоровна Аянитова "Дохсун" ансаамбылга сертификат туттарда. "Сайдам" норуот айымньытын дьиэтин директора Надежда Петровна Аянитова бэртээхэй кэнсиэри бэлэхтээбиттэригэр махтанан бэлэх туттарда. Киирии билиэтинэн бырааһынньыгынан бэлэхтэр оонньоннулар. Дохсуннарга үрдүктэн үрдүк ситиһиилэри, кыайыылары баҕарабыт



Дария Николаевна Обутова уһун сылларга күүһүн уо5ун ууран туран тыа хаһаайыстыбатыгар үрдүк ситиһиилээхтик үлэлээн кэлбит кэмнэрин учуоттаан "Таатта улууһун тыа хааһаайыстыбатын бэтэрээнэ" бэлиэнэн на5арааданы бүгүн дьон сэргэ ортотугар туттарылынна.
Билигин даҕаны үлэ үөһүгэр сылдьар Дария Николаевнаҕа баҕарабыт күн сиригэр бары үтүөнү, кэрэни, дьолу-соргуну!
Бүгүн, 7/lll, 50 сыл бииргэ таптаһан, өйөһөн, өйдөһөн, 7 о5ону төрөтөн, атахтарыгар туруортаан, үлэни өрө тутан кэлбит Галина Павловна, Терентий Павлович Егоровтар Таатта улууһун государственнай акталары толоруу управлениетын үйэ аҥара бииргэ олорбут дьиэ кэргэн "Бочуот кинигэтигэр" илии баттаатылар.
Нэһилиэкпит ытык-мааны ыалыгар, бары убаастыыр дьоммутугар уһун, чэгиэн, дьоллоох олоҕу баҕарабыт!
06.03.21

Күндү нэһилиэк олохтоохторо!
Кэлэн иһэр сааскы бырааһынньыгынан итиитик-истиҥник эҕэрдэлиибит!
Эҕэрдэ буолуохтун эһиэхэ,
Эдэркээн дууһалаах эбэлэр,
Элэккэй майгылаах ийэлэр,
Эриэккэс мичээрдээх кыргыттар!

Кулун тутар 7️⃣ күнүгэр киэһэ 7️⃣ чааска Туора-Күөллээҕи "Сайдам" норуот айымньытын дьиэтигэр "ДОХСУН" эр дьон ансаамбыла күндү бар дьонун, кэрэ аҥардар күннэрин көрсө "Күндү бэлэх" кэнсиэргэ, уостан түспэт ырыа абылаҥар ыллара долгуйа күүтэр!

Күндү бар дьоммут! Истиҥ сүрэхтэн тахсар дьоро киэһэни биһигинниин бииргэ атаарыҥ! Эһигини күүтэллэр: "Дохсун" ансаамбыл 100% уларыйбыт саҥа репертуара, солистар ыллам ырыалара, киирии билиэтинэн бырааһынньыктааҕы кэрэ бэлэхтэр оонньонуохтара, сюрпризнай номер, үтүө санаа☺️, истиҥ мичээр!
Киирии билиэт сыаната - 1️⃣5️⃣0️⃣ солк. 
Билиҥҥи ирдэбилинэн билиэт ахсаана олус аҕыйах. Онон бу телефонунан заказтаан ыларга тиэтэйиҥ 
89627339328 Билиэккит сүүйүүлээх буолуон сөп, онон баар номердартан бэйэҕит талан ыларгытын умнумаҥ!

Кэнсиэр кэнниттэн уоттаах-күөстээх дискотека! Дискотека билиэтэ - 5️⃣0️⃣ солк.
КЭЛИҤ! ДУОҺУЙА СЫННЬАНЫҤ!


Выставка "Без корней нет истории"

Туора-Күөлбүтүгэр СР культуратын туйгуна Изабелла Иннокентьевна Элякова, норуот маастара Марфа Афанасьевна Сидорова, кини кыыһа Алена Леонтьева тикпит таҥастарын “Без корней нет истории” диэн быыстапката саҥа тутуллубут таас уопсай дьиэ коридоругар туруоруллунна. Бу “Коридорное выставочное пространство” диэн И.И. Элякова саҥа проега. Маны таһынан сиэрбитин-туоммутун, таҥаспытын-саппытын, норуоппут төрүт культуратын көрдөрөн, суруналыыс Галина Морелл аан дойдуга биллибит хаартыскаларын тутан, “Культурный мост Аваннаа (север)” аан дойдутааҕы проекка кыттыстыбыт. Бииртэн биир саҥа идеялаах энтузиаст киһибитин Изабелла Иннокентьевнаны, уран тарбахтаах Марфа Афанастьевнаны, кини кыыһын Аленаны Саха Өрөспүүбүлүкэтин Норуот маастарын күнүнэн итиитик-истиҥник эҕэрдэлиибит уонна барҕа махталбытын тиэрдэбит! Дьоллоох буолуҥ бар дьоммут!
05.03.21
Бүгүн, 5/lll, Саха Өрөспүүбүлүкэтин Норуот маастарын күнүгэр аналлаах Дьүлэй нэһилиэгэр аан маҥнай сахалыы таҥастаах сэлэлии хаамыы буолла. Нэһилиэкпит далбар хотуттара СР норуотун маастара Анна Николаевна Акимова уонна кини кыыһа СР культуратын туйгуна Изабелла Иннокентьевна Элякова тикпит сахалыы соннорун, "Мөһүүрэ" түмсүү (салайааччы - СР норуот уус-уран оҥоһуктарын маастара Вера Ивановна Аянитова) кыттааччыларын таҥастарын таҥнан-симэнэн,анаан оҥостон, Туора-Күөл киин уулуссатынан Дьүлэй нэһилиэгин гербэтин, уран тарбахтаахтар оҥоһуктарын тутан хаампыттара нэһилиэккэ биир эмиэ сонун тэрээһин быһыытынан сыаналанна. Хаамыыны опыттаах сылгыһыт Егор Иванович Щукин симэммит атынан иннилэригэр хааман киэргэттэ. "Сайдам" норуот айымньытын дьиэтэ нэһилиэк иистэнньэҥнэрин үлэлэрин өйөөн, киэҥ араҥаҕа билиһиннэрбитэ, эһиил быйылгытааҕар элбэх саха таҥастаахтар сэлэлээн хаамыыга кыттарыгар эрэли үөскэтэр, илиилэригэр талааннаах дьон элбииригэр олук уурар. Бары кыттыбыт үтүөкэн дьоммутугар, "Мөһүүрэ" түмсүүгэ, "Күндүүнэ" ансаамбылга (салайааччы - СР доруобуйа харыстабылын туйгуна Татьяна Кононовна Васильева), биирдиилээн нэһилиэк далбар хотуттарыгар уонна Анна Николаевна Акимоваҕа, Изабелла Иннокентьевна Эляковаҕа, Егор Иванович Щукиҥҥа барҕа махталбытын тиэрдэбит! Бары норуот маастардарыгар, уран тарбахтаахтарга итии-истиҥ эҕэрдэ! Айымньылаах үлэҕит тупса, үксүү турдун!
СӨ норуотун маастардарын А.Н. Акимованы,Э.А.Алексеевы, В.И. Аянитованы, И.А.Павлованы, Я.П.Ермолаевы, А.П.Луковцевы, П.П.Луковцевы, В.С. Захаровы, Дьүлэйтэн төрүттээх СӨ норуот маастардарын Н.И.Егоровы-Баайаҕыыны, М.А.Сидорованы, Д.Д.Евграфовы , Е.Д. Евграфованы, уран тарбахтаах иистэнньэҥнэри, маһы,тимири ыллатар нэһилиэк уус дьонун Республикаҕа норуот маастардарын күнүнэн итиитик-истиҥник эҕэрдэлиибит! Айар үлэҕитигэр ситиһиилэри!!!
Норуот маастарын күнүнэн!
02.03.21
"Ийэ Кут, Ийэ Өй, Ийэ Тыл сүдү күүстэрин муҥутуур чыпчаала - ОЛОҤХО"
 Мандар Уус
Made on
Tilda